Kahulugan at Katangian ng Wikang Filipino

Ang wika ay sistemang ginagamit sa komunikasyon na maaring pabigkas o pasulat, at binubuo ng mga simbolo o letra, at panuntunan.

- tumatalakay sa pagbuo ng mga salita at tamang paggamit nito (balarila)
- behikulo (intrumento) ng komunikasyon at ekspresyon
- kalipunan ng mga tunog na  may Sistema

Mga Katangian ng Wika

1.      Ang Wika ay Binubuo ng mga Tunog

Ang tunog pangwika ay nagagawa gamit ang mga sangkap sa pagsasalita.

Hal. labi, dila, ngalangala, babatingang tinig, atbp.

2.      Ang Wika ay Isang Sistema

Ang wika ay pag-uugnay-ugnay ng mga tunog para sa pagbuo ng mga salita, at pagsasaayos ng mga salita para sa pagbuo ng makabuluhang pangungusap na may isang diwa – pinagsasama-sama upang bumuo ng diskurso.

3.      Ang Wika ay Arbitraryo

Ang wika ay may set ng palatunugan; may leksikal at gramatikal na istrakturana ikinaiba niya sa ibang wika, ang mga ito ay ipinagkakasunduan lamang ng mga minorya ng tao. Maaring ang isang salita ay may ibang pakahulugan sa ibang minoryang may ibang kinagisnan.

4.      Ang Wika ay Pantao

Ang wika ay nalilipat, nasasalin, natututuhan at napag-aaralan.

5.      Ang Wika ay Buhay at Dinamiko

Ang wika ay buhay at dumaraan sa ebolusyon, at naglalahad ng saloobin ng tao. Sa pag-unlad ng panahon, nagkakaroon mga bagong mga salitang ginagamit at itinatala.

6.      Ang Wika ay Pili at Isinasaayos

Hindi lamang lingguwistiks ang kailangang ikunsidera sa pagbigkas o pagsulat ng wika, it ay wastong pinipili at isinasaayos ayon sa gramatikal na istraktura at kaisipan upang maging angkop at kalugod-lugod.

7.      Ang Wika ay Kaakibat ng Kultura

Ang kultura ng bawat minorya ay mayroong kabuhol na wika na nagbibigay daan upang ito ay masalin, maikuwento, at maipagtuloy sa pagdaan ng maraming taon.